Last Updated on 13/07/2026 by Kesjana
Të paktën 51 persona kanë humbur jetën nga shirat e rrëmbyeshëm në Bangladesh në ditët e fundit.
Moti i keq ka prekur më shumë se një milion njerëz, pasi përmbytjet dhe rrëshqitjet e dheut kanë goditur pjesë të mëdha të vendit, përfshirë kryeqytetin Daka.
Mijëra njerëz kanë humbur shtëpitë e tyre, ndërsa më shumë se gjysma e vdekjeve, 28 nga 51, të regjistruara deri më tani janë në shtëpi refugjatësh Rohingya.
Reshjet e dendura të shiut filluan rreth një javë më parë dhe, ndërsa u intensifikuan ditët e fundit, autoritetet lëshuan paralajmërime për përmbytje dhe rrëshqitje toke, evakuuan familjet nga zonat me rrezik të lartë dhe shtynë provimet shkollore./kb