Last Updated on 16/02/2026 by Monika
Ish-Sekretarja e Shtetit të SHBA-së, Hillary Clinton, deklaroi të shtunën, më 14 shkurt, se shpreson që të publikohet më shumë dokumente lidhur me të ndjerin pedofil të njohur, Jeffrey Epstein, pasi sipas saj “po dalin shumë informacione shqetësuese dhe të tmerrshme.”
Në një panel në Munich Security Conference, Clinton tha se dokumentet përfshijnë akuza se ish-këshilltari i presidentit Donald Trump, Steve Bannon, kishte kërkuar ndihmën e Epstein për çështje të lidhura me opozitën ndaj Papa Franceskut të ndjerë.
Në fillim të këtij muaji, ish-presidenti Bill Clinton dhe Hillary Clinton, e nominuara për president nga demokratët në 2016, ranë dakord të dëshmonin në një hetim të kongresit mbi Epstein, sipas një punonjësi të stafit të tyre.
Komiteti i Mbikëqyrjes në Dhomën e Përfaqësuesve kishte rekomanduar që Clintonët të shpallen në shkelje të ligjit për mosdëshmim, për refuzimin e tyre për të dëshmuar lidhur me marrëdhënien me Epstein. Clintonët pranuan të bashkëpunonin me panelin, por refuzuan të shfaqeshin personalisht, duke e konsideruar hetimin një veprim politik për të mbrojtur presidentin republikan Trump.
Sipas dokumenteve të fundit të publikuara nga U.S. Justice Department, miliona dokumente të brendshme tregojnë lidhjet e Epstein-it me shumë persona të njohur në politikë, financa, akademi dhe biznes – si para ashtu edhe pas dënimit të tij në vitin 2008 për akuza të prostitucionit./mxh