Një shqiptar është vënë në pranga në Itali pasi iu kap një sasi e madhe lënde narkotike. Sipas raportimeve të mediave italiane, në banesën e 33-vjeçarit shqiptar është gjetur dhe sekuestruar 30 kilogramë kokainë, 4 kilogramë heroinë dhe 80 kilogramë hashash.
Kjo është sasia më e madhe e sekuestruar ndonjëherë në zonën e Teramos, një “treg”i konsoliduar për trafikimin e të gjitha llojeve të drogës dhe që kontrollohet nga klanet shqiptare.
Gjatë kontrolleve në kuadër të operacionit për arrestimin e shqiptarit, oficerët gjetën një bllok ku ishin të shënuar disa emra dhe numra telefoni. Bëhet me dije se shqiptari nuk ka precedentë të mëparshëm penalë, ndërsa po hetohet nëse ka persona të tjerë të përfshirë në ngjarje./mxh