Ministria e Brendshme e Mbretërisë së Bashkuar ka njoftuar një plan të ri për azilkërkuesit, që parashikon shtimin e deportimeve, përfshirë edhe fëmijët e familjeve të azilkërkuesve të refuzuar. Familjeve do t’u ofrohet mbështetje financiare për t’u kthyer vullnetarisht në vendin e tyre, por ata që refuzojnë do të detyrohen të largohen përmes deportimit. Plani është prezantuar si një masë për “rikthimin e rendit dhe kontrollit”.
Ministrja e Brendshme Shabana Mahmood deklaroi se sistemi i azilit nuk ka evoluar me ndryshimet globale dhe është “i jashtë kontrollit dhe i padrejtë” për publikun britanik. Sipas saj, rreth 400,000 persona kanë kërkuar azil gjatë katër viteve të fundit, dhe gjysma e tyre mbetet me ndihma sociale edhe pas tetë vjetësh.
Plani përfshin edhe ndryshime të tjera të rëndësishme:
-
Statusi i përkohshëm i refugjatit: Refugjatët do të marrin status të përkohshëm me rishikim çdo 2.5 vjet. Statusi i përhershëm do të zgjerohet nga 5 në 20 vjet, me mundësi të fitimit të lejes së qëndrimit të përhershëm më herët përmes punës ose studimeve.
-
Riformatimi i të drejtave sipas ECHR: Qeveria synon të kufizojë përdorimin e Nenit 8 të Konventës Evropiane për të Drejtat e Njeriut (e drejta për jetën familjare) duke e zbatuar vetëm për familjet e afërta, për të lehtësuar deportimet.
-
Sanksione vizash: Angola, Republika Demokratike e Kongos dhe Namibia mund të përballen me bllokim vizash nëse nuk pranojnë kthimin e migranteve të paligjshëm dhe kriminelëve.
-
Rrugë të sigurta dhe legale për refugjatët: Do të krijohen tre rrugë të veçanta – për studentët e shpërngulur, punëtorët e kualifikuar dhe përmes sponsorizimeve nga organizata vullnetare, me një kufi të përcaktuar nga ministrja e Brendshme.
Plani ka shkaktuar reagime të përziera. Të Konservatorët e kanë mirëpritur, ndërsa disa deputetë Laburistë e kanë cilësuar atë si “dystopian” dhe “turp”. Ish-lideri Laburist Jeremy Corbyn tha se plani tregon mungesë të kompasit moral dhe hap rrugën për një qeveri Reformi.
Ministrja Mahmood theksoi se plani synon të ruajë fleksibilitet ndaj krizave të reja globale, por përqendrohet në kthimin e kontrollit mbi kufijtë dhe sistemin e azilit në MB./ MXH