Lëvizje të forcave dhe stoqeve të konsiderueshme të raketave të padukshme nga SHBA-të në Lindjen e Mesme janë raportuar këtë të diel nga mediat e huaja.
Detajet vijnë në një kohë kur presidenti amerikan Donald Trump i ka dhënë një ultimatum 48-orësh Iranit, të cilit Teherani i përgjigjet negativisht, duke e përshkruar atë si të dëshpëruar.
Në fakt, Gjenerali Ali Abdullah Aliabadi, në një deklaratë nga Komanda Qendrore Khatam al-Anbiya, e përshkroi qëndrimin e presidentit amerikan si një veprim nervoz dhe të pabalancuar dhe u përgjigj se portat e ferrit do të hapen për SHBA-të.
Ndërsa mbetet e paqartë se cilat do të jenë saktësisht hapat e ardhshëm të presidentit amerikan në Iran, forcat tokësore, përfshirë marinsat dhe parashutistët, po lëvizin në rajon dhe po rriten spekulimet rreth pushtimit të ishullit Kharg, ku ndodhen objektet kryesore të naftës së Iranit.
Në një fjalim të mërkurën në mbrëmje, Trump kishte kërcënuar se brenda dy deri në tre javëve të ardhshme, Shtetet e Bashkuara do ta kthejnë Iranin në Epokën e Gurit pa hyrë në detaje rreth natyrës ose objektivave të sulmeve./kb