Izraelitët shprehën shqetësim të martën, pas miratimit nga Këshilli i Sigurimit i OKB-së të një rezolute që mbështet planin e ish-presidentit amerikan Donald Trump për përfundimin e luftës në Gaza, një hap të parë drejt paqes. Rezoluta, e hartuar nga Shtetet e Bashkuara, autorizon gjithashtu vendosjen e një force shumëkombëshe sigurie në Gaza dhe krijimin e një Bordi të Paqes për të mbikëqyrur rindërtimin dhe rimëkëmbjen ekonomike të territorit të shkatërruar.
Autoriteti Palestinez në Ramallah e përshëndeti votimin dhe deklaroi gatishmërinë për të marrë pjesë në plan, edhe pse roli i tij nuk është i qartë. Shtetet evropiane dhe arabe kërkojnë që Gaza të qeveriset nga Autoriteti Palestinez dhe të përcaktohet një rrugë e qartë drejt pavarësisë palestineze. Qeveria izraelite, që kundërshton idenë e një shteti të pavarur palestinez, refuzon çdo përfshirje të Autoritetit Palestinez.
Në fazën e parë të planit, një armëpushim midis Izraelit dhe Hamas-it hyri në fuqi më 10 tetor dhe, megjithëse palët kanë akuzuar njëra-tjetrën për shkelje, ai vazhdon të mbahet. Që nga ajo kohë, Hamas ka liruar shumicën e pengjeve nga Gaza, ndërsa mbeten ende në duart e tyre mbetjet e tre pengjeve të vdekur./MXH