“Një përqafim, mijëra emocione”/ Deputetja Zegjine Çaushi pranë Binës & Merit në ditën e parë të shkollës

Last Updated on 14/09/2026 by Anisa

Deputetja Zegjine Çaushi ka ndarë një moment emocional nga dita e parë e shkollës, duke zgjedhur të jetë pranë dy vajzave, Binës dhe Merit, në Roskovec.

Në një postim në rrjetet sociale, Caushi tregon se në mëngjesin e nisjes së vitit shkollor, së bashku me gjyshen e tyre, u kujdesën që dy vajzat të bëheshin gati për të shkuar në shkollë.

Momenti që e ka emocionuar më shumë deputeten ishte përcjellja e vajzave nga gjyshja e tyre, e cila, sipas Caushit, kujdeset për to me gjithë zemër dhe përpiqet t’u gjendet pranë në çdo nevojë.

“Më emocionoi shumë ta shihja gjyshen teksa i përcillte me lot në sy”, shkruan deputetja.

“U lumturova pa masë kur gocat më përqafuan të buzëqeshura. Në atë moment kuptova edhe një herë se ndonjëherë një gjest i vogël mund të ketë shumë vlerë”, shkruan ajo./ad

Reagimi i plotë:

Mirëmëngjes!

Ka fëmijë që në këtë ditë kanë nevojë për më shumë kujdes, vëmendje dhe dashuri.

Sot, përpara se të nisin shkollën, isha pranë Bines dhe Merit. Bashkë me gjyshen e tyre i bëmë gati për në shkollë.Më emocionoi shumë ta shihja gjyshen teksa i përcillte me lot në sy. Ajo kujdeset për to me gjithë zemër dhe mundohet t’u gjendet pranë për gjithçka.

U lumturova pa masë kur gocat më përqafuan të buzëqeshura. Në atë moment kuptova edhe një herë se ndonjëherë një gjest i vogël mund të ketë shumë vlerë.

Rrugë të mbarë në dije, të dashur fëmijë! Uroj që çdo ditë e këtij viti t’ju sjellë një arsye më shumë për të buzëqeshur.