Rusia ka reaguar ashpër ndaj deklaratave të fundit të presidentit amerikan Donald Trump lidhur me Kubën, duke i cilësuar ato si kërcënuese dhe të papranueshme në marrëdhëniet ndërkombëtare.
Në një deklaratë nga Moscow, zëdhënësja e Ministrisë së Jashtme ruse, Maria Zakharova, tha se gjuha e shantazhit dhe e kërcënimeve ndaj çdo shteti, veçanërisht ndaj Kubës, është kundër normave të së drejtës ndërkombëtare dhe moralit.
Sipas saj, deklaratat që lënë të kuptohet përdorimin e forcës bien ndesh me parimet e United Nations dhe marrëdhënieve të qytetëruara ndërmjet shteteve. Ajo theksoi se mosmarrëveshjet duhet të zgjidhen përmes dialogut politik dhe mjeteve diplomatike.
Zakharova rikujtoi gjithashtu se për afro shtatë dekada Cuba është përballur me presion ekonomik, tregtar dhe financiar nga United States, duke shtuar se Moska ka mbështetur vazhdimisht Havanën në forumet ndërkombëtare.
Sipas diplomacisë ruse, Kuba po përballet aktualisht me presion të shtuar ushtarak dhe ekonomik nga Uashingtoni, gjë që – sipas Moskës – rrit tensionet në rajonin e Amerikës Latine dhe Karaibeve.
Rusia deklaroi se kundërshton sanksionet e njëanshme që, sipas saj, minojnë themelet e së drejtës ndërkombëtare dhe shtoi se do të vazhdojë të mbështesë popullin kuban gjatë kësaj periudhe të vështirë.
Marrëdhëniet mes Russia dhe Cuba konsiderohen historikisht të ngushta, ndërsa tensionet mes United States dhe Havanës kanë qenë të vazhdueshme për dekada./mxh