Last Updated on 15/11/2025 by Monika
Papa Leo u takua me dhjetëra aktorë dhe krijues të Hollivudit, përfshirë Cate Blanchett, Chris Pine, Adam Scott dhe regjisorin e njohur Spike Lee, në Pallatin Apostolik të Vatikanit.
Gjatë fjalimit të tij, Papa foli për sfidat që përballet kinemaja në një kohë pasigurie globale dhe mbingarkese digjitale. Ai theksoi se kinematë po zhduken nga qytetet dhe lagjet, duke paralajmëruar se arti dhe përvoja kinematografike janë në rrezik. Papa u bëri thirrje institucioneve të mos dorëzohen dhe të bashkëpunojnë për të ruajtur vlerën sociale dhe kulturore të filmit.
Ai inkurajoi artistët të përballen me dhunën, luftën, varfërinë dhe vetminë me sinqeritet, duke theksuar se kinemaja e mirë “nuk shfrytëzon dhimbjen, por e shoqëron dhe e heton atë”. Papa po ashtu vlerësoi punën e qindra profesionistëve pas skenës që e bëjnë të mundur realizimin e filmave.
Në fund të takimit, të ftuarit u takuan me Papën një nga një, duke i dhuruar atij edhe dhurata. Spike Lee i dhuroi një fanellë basketbolli të New York Knicks me mbishkrimin “Pope Leo 14”.
Situata në biletat e kinove mbetet sfiduese, me të ardhura nën nivelet para pandemisë dhe një verë të keqe për multiplexet në SHBA dhe Kanada, më e keqja që nga viti 1981 (përveç periudhës së mbylljes për COVID)./MXH