Last Updated on 11/12/2024 by adminfjala
Integrimi i Shqipërisë në Bashkimin Europian është një proces i bazuar në meritë deri në fund. Kështu u shpreh kryetarja e Kuvendit, Elisa Spiropali në takimin e organizuar me temë “Shqipëria 2030 në BE”.
“Mirënjohje për ata që vazhdojnë të punojnë me përkushtim për Shqipërinë europiane. Anëtarësimi në BE do jetë proces si bazuar në meritë, askush nuk na ka falur gjë, askush nuk na ka falur dhuratë dhe askush nuk pret dhuratë nga Brukseli.
Është proces meritë që duhet merituar deri në fund.
Është proces transformues jo vetëm i kuvendit, institucioneve por i gjithë shoqërisë shqiptare.
Kuvendi po tenton sa mundet që të afrojë dhe të rrisë konsensusin për miratimin e ligjeve që do jenë kriter për hapjen dhe mbylljen e kapitujve”, tha Elisa Spiropali
Spiropali u shpreh se Shqipëria ka bërë progres në luftën kundër korrupsionit.
“Arritjet e Shqipërisë në luftën kundër korrupsionit janë të dukshme. Mjaft prej sektorëve të shërbimeve publike vazhdojnë të jenë të rrezikuar nga korrupsioni. E megjithatë merr një rendësi të posaçme intensifikimi i luftës kundër tij”, tha Spiropali. / S,M