Një 26 vjeçar i identifikuar si Marjos Kecaj është kapur në flagrancë nga policia me akuzat e vjedhjes dhe një të mbetur në tentativë.
Në shpjegimet e bëra nga ana e policisë, mësohet se autori ishte mësuar me këtë ‘zanat’ duke u shndërruar në një hajdut serial duke kryer gjithsej 11 vjedhje. Gjithashtu, gjatë kontrollit fizik, 26 vjeçarit i është gjetur dhe një sasi lënde e dyshuar narkotike kanabis, e sekuestruar nga vetë policia.
Njoftimi i policisë:
Shërbimet e Komisariatit të Policisë Nr. 3, në bashkëpunim me Komisariatin e Policisë Nr. 2 dhe Nr. 6, në vijim të punës për goditjen e veprimtarisë kriminale në fushën e vjedhjes së pasurisë, si rezultat i administrimit të menjëhershëm të kallëzimeve të disa qytetarëve, për vjedhje në subjekte të ndryshme, me mbështetjen e inteligjencës policore, kanë organizuar dhe finalizuar operacionin policor të koduar “Falco”.
Gjatë operacionit u arrestua shtetasi M. K., 26 vjeç, banues në Tiranë.
Nga veprimet hetimore të kryera, dyshohet se ky shtetas është autor i 11 rasteve të disa vjedhjeve të ndryshme dhe i 1 vjedhjeje të mbetur në tentativë, të kryera në Tiranë, gjatë dy muajve të fundit.
Gjatë këtyre rasteve ky shtetas dyshohet se ka vjedhur sende me vlerë nëpër automjete, skutera elektrikë si dhe shuma parash apo sende të tjera.
Materialet i kaluan Prokurorisë.
/E.S
