Reperi i njohur Stresi ka reaguar ashpër ndaj RTSH-së në një postim të drejtpërdrejtë në Instagram, duke e cilësuar këtë institucion si një “dallaverxhi deri në rrënjë”. Ai thekson se është i njohur me mënyrën se si funksionon ky aktivitet dhe që e di shumë mirë se çfarë luhet aty.
“Festivali RTSH??? Dallaverxhi deri në rrënjë janë… ju betohem sepse e di komplet çfarë luhet aty… faleminderit topchannelalbania që falë tyre dikur na mundësuan nëpër festivalet Top Fest e shumë të tjera të afirmoheshim si artistë. Faleminderit Ardit Gjebrea për Kënga Magjike që na vlerësuat me çmime dhe na dhatë mundësinë atëherë. Sa për festivalin RTSH jeni i M i madh”, shkroi Stresi në Instagram.
Ky reagim i tij ka ardhur pas finales së ‘Fest 63’, ku grupi “Shkodra Elektronike” u shpall fitues i çmimit të parë, ndërsa Elvana Gjata fitoi vendin e dytë./K.B
