Kryeministri Rama bëri batuta sot me nxënësit ekselentë teksa ndante medaljet për ta së bashku me ministret Manastirliu dhe Muzhaqi. Rama tha se përballë nxënësve ekselentë është i vetmi moment për të gjatë gjithë vitit ku e ndjen veten më të shkurtër se ata që ka përballë.
‘Për këtë arsye ma besoni ky i dhënies medalje është i vetmi moment gjatë gjithë punës time në 365 ditë ku mua më duket vetja më i shkurtër se ata që kam përballë. Besoni që ju kam zili. Ju kam zili se ndërkohë e gjithë bota është aty që ju ta zotëroni. Keni të gjithë kohën e nevojshme dhe ndërkohë ndryshe nga unë në moshën tuaj, keni gjithçka në dispozicion nëse doni që dija juaj të jetë sa bota. Nuk ju mungojnë rrugët për të shkuar në çdo cep të dijes që ka bota. Falë teknologjisë. Nuk ju mungojnë autorët që doni të takoni me të cilët doni të bëni shoqëri.’/e.t
