Janë publikuar pamjet e rënda kur avioni i kompanisë “JuJuAir” me 181 persona në bord shpërtheu në flakë në Korenë e Jugut.
Deri tani janë konfirmuar 176 persona të vdekur, ndërsa vetëm dy kanë shpëtuar, të cilët janë nxjerrë mes rrënojave që mbetën pas përplasjes. Përpjekjet për të gjetur të mbijetuar të tjerë vazhdojnë pasi në bord gjendeshin 181 pasagjerë.
Avioni i linjës ajrore Jeju ishte nisur nga Bankoku i Tajlandës. Pamjet e publikuara tregojnë avionin duke dalë nga pista dhe që përplaset me një mur, përpara se të shpërthente në flakë. Autoritetet në Korenë e Jugut kanë nisur hetimet, por ende nuk është konfirmuar ndonjë pistë.
Shërbimi zjarrfikës thotë se ka dyshime që të kenë ndikuar përplasja me zogjtë dhe moti i keq. Mësohet se është rikuperuar njëra nga dy kutitë e zeza dhe hetuesit po punojnë për zbardhjen e ngjarjes./E.T
