560 mijë vizitorë të huaj erdhën në Shqipëri gjatë janarit.
Këtë shifër e zbuloi kryeministri Edi Rama me anë të një statusi në rrjetet sociale.
Kreu i qeverisë vuri në dukje se numri i vizitorëve të huaj është 14,5% më i lartë se vitin e kaluar dhe gati 3 herë më i lartë krahasuar më 4 vite më parë.
“560 mijë vizitorë të huaj patëm në Shqipëri gjatë janarit, 14,5% më shumë se viti i kaluar dhe gati 3 herë më shumë krahasuar me 3 vjet më parë.
Më shumë se gjysmë milionë vizitorë e turistë të huaj vetëm në muajin e parë të vitit, kur ende turizmi ynë malor ka nevojë për më shumë investime, tregojnë se Shqipëria e ka lënë pas turizmin sezonal dhe ka konsoliduar një kapitull të ri në turizmin e qëndrueshëm ku po vizitohet nëpër bujtina, shtigje malore, ngjitje majash, qytete historike, muze e kështjella, ndërsa në katër vitet e ardhshme do të jetë kampione absolute e Ballkanit në këtë industri”, nënvizoi Rama./ S.M
