Juristi Kreshnik Spahiu komentoi në Report Tv, këtë mbrëmje protestën e opozitës para kryeministrisë, e cila me fjalimin e Berishës përmbylli tubimin e radhës pas rreth 1 ore.
Spahiu e merr analizën e tij, duke e krahasuar opozitën dhe të djathtën shqiptare me të djathtën në Europë dhe Amerikë. Çuditërisht kudo e djathta po pëson një rritje në numra dhe po merr pushtetin në disa vende, ndërsa vetëm në Shqipëri ndodh që e djathta ka rënie drastike.
‘Edmond Arizaj ka bërë një analizë për gjeopolitikën. Se si balancat politike po ndryshojnë. E gjithë e djathta po merr epërsi në gjithë Europën. Po dyfishohet, ndërsa në Shqipëri po përgjysmohet. Dhe e djatha ekstreme është rritur. Nuk bëhet fjalë për një të majtë në Gjermani, Francë, Austri, SHBA. E majta u rafshua. Ndërkohë që në Shqipëri ndodh e kundërta. E djathta nuk prezantohet si lidershipi ri. Aleanca e 5 të pandehurve të SPAK, Berishës, Metës, Ahmetaj, Belerit, Mediut shfaqen si shpresa për ndryshm. Është unike në planet. rotacioni do të vinte përballë një PS dhe kryeministri të dështuar pas 12 vjetësh konsum. Nuk do bëhej fjalë për një mandat të 4. E vetmja arsye që qëndron e palëkundur është mungesa e një lidershipi të djathtë që do ishte ortek. Një e djathtë e fortë do shënonte një rezultat historik. Do kishte një aleat si SPAK’, tha Spahiu për Nertil Agalliun./ S,M
