Premtoi zgjerimin e aleancave, degradoi te Ben Ahmetaj dhe Ilir Meta

Nga Namir Lapardhaja 

I premtoi pushtetin për gjashtë muaj, i largoi edhe gjashtë vite të tjera larg pushtetit;

I premtoi forcimin, i dhuroi dobësinë;

I premtoi bashkimin, i shkaktoi përçarjen;

I premtoi parimet, i la në dorë perimet;

I premtoi primaret, presin përfitimin nga servilizmi;

I premtoi mosbindje civile, i çoi te pazari me pushtetin;

I premtoi opozitë ballore ndaj qeverisë, i shtriu të tërë barkas ndaj vetes;

I premtoi qeverinë teknike, degradoi në opozitë rakitike;

I premtoi që do bjerë ‘non grata’, u risolli në politikë ‘non gratat’ e pushtetit;

I premtoi dinjitetin, i depersonalizoi;

I premtoi garën, do t’i lërë Mulin të shpallë ‘rezultatin’;

I premtoi zgjerimin e aleancave, i degradoi te Ben Ahmetaj dhe Ilir Meta;

I premtoi rrëzimin e Ramës, bën thirrje për rrëzimin e Dumanit;

I premtoi masivitetin, i degradoi në minorancë qesharake;

I premtoi ngjalljen e besimit, ngjalli vetëm zhgënjim;

I premtoi shpresën, vijon t’i mbushë me gënjeshtra.

I premtoi gjithçka, nuk u dha asgjë.

Në fakt, mirë ua bën, përderisa vijojnë ta shijojnë talljen e tij./     S,M