Sfida mes Galatasaray dhe Fenerbahce në kampionat u mbyll me shifrat 0-0, por jo pa polemikat e zakonshme mes dy klubeve të Stambollit që luftojnë për titullin. Galatasaray ka gjetur mënyrën të hakmerret pas duelit ndaj Jose Mourinhos, duke denoncuar këtë të fundit si racist dhe duke ia dalë të sigurojnë dënimin e tij.
Në konferencë për mediat pas ndeshjes, Mourinho deklaroi se në stolin e kundërshtarëve “kërcenin si majmunë” për të protestuar kundër vendimeve të gjyqtarit që në minutat e para të ndeshjes. Dhe Galata ka përfituar nga kjo situatë për të denoncuar Mourinhon si racist dhe diskriminues.
Federata Turke, e cila akuzohet publikisht nga Fenerbahçe dhe Mourinho se janë në anën e Galatasarayt, nuk është kursyer kundër portugezit. Ai është dënuar me 4 ndeshje pezullim për këto fjalë, në një sanksion që mund të shkonte deri në 10 ndeshje.
Situatën e Mourinhos e kanë rënduar edhe deklaratat rreth gjyqtarit të katërt që ai tha pas kësaj ndeshje. “Shkova në dhomat e zhveshjeve pas ndeshjes dhe ishte aty gjytari i katërt turk. I thashë që nëse do të ishte ai gjyqtari i parë, do të kishte qenë një katastrofë”, ishin fjalët e portugezin, të cilat janë interpretuar si fyerje ndaj gjyqtarëve turq./ D.C
