Ky është Nuredin Seci garanti i 6 milionë dollarëve për heqjen e nongratën Berishës

113 563 lexime

124,178FansaPëlqeje

Nuredin Seci nga Tropoja, i shkolluar për elektriçist në Shkodër, i njohur si alpinist dhe që jeton në Shtetet e Bashkuara të Amerikës, ka dalë garant i kontratës 6 milionë dollarë, për të lobuar në qeverinë amerikane për llogari të Partisë Demokratike dhe për të hequr Sali Berishën nga lista e zezë e SHBA.

Kontrata, e cila me shumë gjasa do jetë shndërrohet në dosjen më të nxehtë të SPAK-ut, është firmosur nga Sekretari i Përgjithshëm i Partisë Demokratike, Flamur Noka, në cilësinë e përfituesit, një detyrim ky i kërkuar nga ligji amerikan.

Duket se Seci dhe Noka nuk janë zgjedhur rastësisht për këtë operacion të dyshimtë financuar. Sido që të marrin rrjedhë ngjarjet, Nuredin Seci nuk do të bëjë burg për shkak të moshës (sot është 72 vjeç), ndërsa Flamur Noka, duke mos ditur asnjë fjalë nglisht, ka një alibi, pasi mund të thotë se nuk e di se çfarë ka firmosur.

Kush është Nuredin Seci?

Nuredin Seci lindi më 15 Shkurt 1953 në Tropojë. Shkollën fillore e kreu në vendlindje, ndërsa shkollën e mesme e kreu në Shkodër, në Shkollën e Mesme Profesionale Dega Elektrike. Seci njihet si ish alpinist. Për 30 vite ka qenë sportist dhe trajner i ekipit të Alpinizmit Valbona.

Tre vite më parë Nuredin Seci u nderua me titullin nderi i Bashkisë Tropojë për kontributin si sportist e trajner në zhvillimin e alpinizmit. Titulli ju dha nga socialisti Rexhë Byberi.

Nuredin Seci është anëtar i kryesisë së degës “Vatra Mëmëdheu” në Nju Xhersi të SHBA-ve, dega më e re e hapur në vitin 2025.

Po ashtu, Nuredin Seci rezulton të jetë koordinator i “Gazeta e Alpeve” në Nju Xhersi të Shteteve të Bashkuara të Amerikës. Përmes kësaj gazete, Seci promovob figura të njohura të Tropojës dhe vlerat e vendlindjes së tij.

Lexo edhe :  Nëse u vodhën 300 mijë vota, pse PD nuk mbledh dot 300 protestues në shesh?

Ndërsa gazetari Mero Baze ka publikuar në rrjete sociale një foto të shtëpisë së Nuredin Secit në Nju Xhersi në SHBA. Gazetari shkruan: Nuk di njeri që të jap garanci 6 milionë dollarë dhe të jetoj në një lagje modeste në një shtëpi modeste.

Shtëpia e Nuredin Secit në SHBA, foto e publikuar nga Mero Baze.

Dyshimet janë të forta se Seci është thjeshtë prestanome i Familjes Berisha dhe sa shoqata e tij patriotike është thjeshtë një sajesë për të kamufluar paratë e pista të Shkëlzenit, të hedhura për të pastruar biografinë e babait./ Prapaskena

Të fundit

Inter përmirëson ofertën për Lookman, nigeriani kërkon transferimin vetëm te zikaltërit

Ademola Lookman është prioriteti kryesor i Interit në këtë merkato, me drejtuesin Piero Ausilio që po punon për të...

Qytetari sherr me pronaren e lokalit për zaptimin e hapësirës publike, i heq karriget!

Sherri mes banorit dhe pronares së një lokali për zaptimin e hapësirës publike, përfundon me procedimin penal të të dy personave, pas hetimeve paraprake...

Lapaj humb mandatin (dhe fytyrën)/ Gjikondi: Debat i shëmtuar mes të rinjve

Juristja Brizida Gjikondi komentoi përplasjen dhe debatin mes Adritik Lapajt dhe Endri Shabanit. Gjikondi u shpreh se i njeh të dy personazhet, ndërsa e cilësoi...

Kumbulla nuk bind Gasperinin, Roma nxjerr në shitje mbrojtësin e Kombëtares

Marash Kumbulla mbylli një vit thuajse perfekt në La Liga, tek ekipi i Espanyol, me qendërmbrojtësin kuqezi që zhvilloi 35 ndeshje në Spanjë, titullar...

Alarmi: Kriza me ujë mund të detyrojë zhvendosjen e banorëve të Teheranit

Teherani është duke u përballur me krizë aq të madhe me ujin, prandaj 15 milionë banorët e tij mund të detyrohen të zhvendosen, kanë...

Lajme të tjera

Web TV