Kylian Mbappe ka bërë tashmë histori që në sezonin e tij të parë te Real Madridi.
Ylli francez, i cili shënoi një gol mahnitës kundër Dortmundit në çerekfinalet e Kupës së Botës për Klube në Shtetet e Bashkuara, tani mund të mburret se është bërë lojtari i parë i Realit të Madridit që shënon në shtatë kompeticione të ndryshme në një sezon të vetëm. Megjithatë, duhet thënë se Madridi nuk ka pasur kurrë mundësinë të garojë në kaq shumë turne brenda një sezoni të vetëm. Vetëm lojtarët aktualë në skuadrën e Realit mund të aspirojnë për një sukses të tillë, por vetëm Mbappe e ka arritur atë.
Në këtë sezon të pafund dhe të lodhshëm, numri 9 i Madridit ka shënuar tashmë 44 gola në 58 ndeshje zyrtare për “Los Blancos”. Një numër që mund të rritet në duelin gjysmëfinal të mërkurën, më 9 korrik, kundër Paris SG-së, ndaj të cilës do të përballet për herë të parë me fanellën e bardhë në një ndeshje zyrtare dhe më tej në një finale hipotetike kundër fituesit të përballjes së kësaj të marte midis ekipit brazilian Fluminense dhe Chelsea.
💥 ¡Un gol en cada una de las 7️⃣ competiciones disputadas!
🤩 @KMbappe pic.twitter.com/gDbr63GWU0— Real Madrid C.F. (@realmadrid) July 8, 2025
Pak nga pak, Mbappe po bën përparim fizik pasi vuajti nga gastroenteriti akut që e detyroi të shtrohej në spital, por Alonso ka vazhduar të ruajë përkushtimin e tij ndaj të riut Gonzalo Garcia. Produkti i të rinjve është zbulimi i Kupës së Botës për Klube. Me golin e tij kundër Dortmundit, ai hyri në grupin e lojtarëve që kryesojnë listën e golashënuesve me katër gola dhe është dy ndeshje larg arritjes së një ëndrre që ndoshta as nuk e kishte menduar./ D.C
