Një 24-vjeçare nga Republika Çeke po lufton për jetën pasi u rrëzua ndërsa partneri i saj i propozoi martesë në një kishë në Lefkada.
Në momentin që ai u gjunjëzua dhe i dha unazën, vajza fillimisht u duk e lumtur dhe pas sekondash ra përtokë pa ndjenja.
Gruaja e re çeke po trajtohet e intubuar në Njësinë e Kujdesit Intensiv të Spitalit Hadjikostas në Janinë dhe deri më tani mjekët nuk kanë parë asnjë shenjë përmirësimi në shëndetin e saj.
Ngjarja tragjike ndodhi në kishën e Profetit Elia në Englouvi, Lefkada, ku çifti shkoi në mënyrë që i riu të mund ta surprizonte të dashurën e tij.
I riu i tronditur u përpoq të thërriste për ndihmë. Vajza 24-vjeçare, pas ekzaminimeve dhe mjekëve që luftuan për ta mbajtur në jetë, rezultoi me hemorragji të gjerë cerebrale.e.t
