Last Updated on 25/07/2025 by adminfjala
Zjarri ka marrë përmasa të mëdha në fshatrat Vergo dhe Palavli të Delvinës, ku flakët raportohet se kanë djegur mbi 11 banesa si dhe disa objekte biznesi.
Ekipet e zjarrfikëseve në luftë me flkët nuk kanë mundur të izolonjë vatrat e zjarrit, shkak është bërë terreni i vështirë dhe era e fortë. Pamjet apokaliptike tregojnë gjendjen kritike ku ndodhet Delvina, ndërsa Ministria e Mbrojtjes ka urdhëruar evakuimin e banorëve të tre fshatrave: Palavli, Vergo dhe Kopaçëz.
‘’U bëhet thirrje të gjithë banorëve të respektojnë udhëzimet e emergjencave civile dhe të bashkëpunojnë me forcat e Policisë dhe autoritetet vendore, të cilat janë angazhuar për mbrojtjen e jetës dhe pronës së tyre.
Aktualisht, në operacion janë përfshirë edhe dy helikopterë të Forcës Ajrore, të cilët po veprojnë në zonën e Delvinës, ndërsa dy të tjerë janë angazhuar në operacionet ajrore në qarkun Berat-Dimal.’’ – njofton Ministria e Brendshme.