Prej disa javësh në vendin tonë vijon aksioni për lirimin e hapësirave publike, pas urdhrit të Kryeministrit Edi Rama. Kreu i qeverisë ka publikuar së fundmi një video në rrjetin e tij social Facebook, me pamje nga aksioni ku shprehet se do të rikthehen hapësirat publike për qytetarët dhe pushuesit në bregdetin e Durrësit.
“Kepi i Rodonit – Lirimi i plazheve publike përgjatë bregdetit të Durrësit. Rikthejmë hapësirat publike për qytetarët dhe pushuesit, duke garantuar akses të barabartë dhe kushte dinjitoze për të gjithë.”-shkruan kryeministri Rama.
Të gjitha bashkitë në vendin tonë kanë filluar punën për lirimin e hapësirave publike, të cilat më parë ishin zënë nga tregtarët dhe lokalet që kishin zgjeruar biznesin e tyre. Në këtë mënyrë hapësirat për qytetarët ishin zaptuar.
Lirimi i hapësirave publike nuk është vetëm për rrugët e qytetit, por edhe për plazhet publike të cilat janë zaptuar nga bizneset private. m.p.
