Në Londër, një qytet i tërë ëmbëlsirash ka marrë jetë me rastin e ekspozitës Gingerbread City, e cila do të qëndrojë e hapur deri më 4 janar 2026.
Ky është edicioni i nëntë i ekspozitës, ku arkitektë të njohur krijojnë ndërtesa prej biskotash, duke përfshirë versionet e tyre kreative të disa prej pikave më të famshme të Londrës.
Ekspozita këtë vit ka si temë “loja”, duke vendosur krijimtarinë dhe imagjinatën në qendër të jetës urbane, sipas Melissa Woolford, themeluese e Museum of Architecture.
“Tema e këtij viti është loja. Pra, po e vendosim lojën në zemër të jetës urbane. Të gjitha ndërtesat pas meje sjellin gjëra të ndryshme. Po shqyrtojmë hapësira aktive për të promovuar shëndetin dhe mirëqenien. Pra, si mund të krijojmë më shumë sporte në komunitetet tona? Si mund të krijojmë më shumë lidhje me natyrën? Pra, për shkollat, kopshtet në çati, vende ku njerëzit mund të bashkohen dhe të bëjnë aktivitete vërtet praktike,” deklaroi themeluesja e Muzeut.
Në këtë ekspozitë nuk mungojnë as strukturat tjera festive: ora rreth pemës së Krishtlindjes dhe një tren lodër që transporton ëmbëlsira.
Holly Watkins, asistent arkitekt, shpjegon se për orën është përdorur sheqer pluhur për dëborën, ndërsa numerat dhe krahët e orës janë krijuar me lakreçe.
“Bukë me xhenxhefil, sigurisht. Pastaj për faqen e orës përdorëm akull të vogël dhe pak likericë për të bërë numrat në akrepat e orës. Shumë krem, shumë sheqer pluhur për borën. Kemi një iglu në formë kubi sheqeri këtu. Dhe pastaj po, kaq shumë ëmbëlsira. Më duket sikur çdo ëmbëlsirë që mund të imagjinoni. Ndoshta është diku atje,” tha përgjegjësja e Muzeut.
Vizitorët e ekspozitës mund të shijojnë një qytet të tërë prej gingerbread, ku qindra ëmbëlsira, lakreçe dhe gummies bashkohen për të sjellë një atmosferë festive dhe të shijshme./mxh