Agnesa Vuthaj ka ndarë me ndjekësit e saj një nga lajmet më të bukura të jetës se saj private, duke konfirmuar se është në pritje të ëmbël. Zbulimi u bë më 1 janar, duke e kthyer fillimin e vitit 2026 në një kapitull të ri, të mbushur me emocion dhe domethënie për ish-Miss Shqipërinë.
Ky lajm vjen si vazhdim i një periudhe të qetë dhe të lumtur në jetën e saj private, e cila prej muajsh shoqërohej me sinjale pozitive dhe deklarata të rezervuara për jetën personale. Pak kohë më parë, Agnesa kishte konfirmuar publikisht se ishte në një lidhje dashurie dhe se po përjetonte një fazë të përmbushur emocionalisht.
Në një dalje televizive, ajo ishte shprehur se ndihej e lumtur, e realizuar dhe në harmoni me veten, duke lënë të kuptohet se jeta personale kishte marrë drejtimin që ajo kishte dëshiruar.
Vuthaj ka theksuar gjithashtu se partneri i saj nuk është figurë publike dhe nuk ka asnjë lidhje me botën e medias apo showbiz-it, duke zgjedhur ta mbajë këtë pjesë të jetës larg vëmendjes mediatike. Kjo zgjedhje pasqyron dëshirën e saj për privatësi dhe qetësi, veçanërisht në një moment kaq të veçantë dhe të rëndësishëm në jetën e saj./mxh