Rritja e nivelit të ujit të lumit Drin ka shkaktuar përmbytjen e shëtitores në lagjen “Skënderbeg” në qytetin e Lezhës.
Si pasojë e reshjeve të shumta dhe prurjeve të larta, uji ka dalë nga shtrati duke mbuluar pjesë të zonës së frekuentuar nga qytetarët.
Banorët shprehen të shqetësuar për situatën, ndërsa autoritetet lokale janë në monitorim të vazhdueshëm për të parandaluar përkeqësimin e mëtejshëm të gjendjes. Deri më tani nuk raportohen dëme në banesa apo persona të lënduar.
Strukturat përkatëse u bëjnë thirrje qytetarëve të shmangin zonat e përmbytura dhe të tregojnë kujdes, pasi niveli i ujit mbetet i lartë./Kb