Reshjet intensive të shiut kanë krijuar problematika në disa zona. Lumi Vjosa ka dalë nga shtrati në zonën e pazarit, pranë Urës së Mifolit, si pasojë e rritjes së ndjeshme të prurjeve ujore.
Niveli i ujit në lumin Vjosa ka arritur në 6.8 metra mbi nivelin e detit. Autoritetet kanë njoftuar familjet që banojnë pranë lumit të marrin masa paraprake dhe të tregojnë kujdes maksimal, për shkak të rrezikut të përmbytjeve.
Prurjet e larta vijojnë nga zonat e Gjirokastrës dhe Përmetit, duke ndikuar drejtpërdrejt në rritjen e mëtejshme të nivelit të lumit.
Ndërkohë, rruga Kotë–Sevaster, në fshatin Vajzë, ka pësuar një shkarje dhe është e bllokuar për qarkullimin e automjeteve./Kb