Kryetari i PD-së, Sali Berisha ka dhënë një deklaratë për mediat jashtë ambienteve të Kuvendit. Berisha tha për gazetarët se parlamenti është mbledhur për të mbuluar krimet e kryera nga kryeministri Edi Rama.
“Sot parlamenti përsëri mblidhet diskuton gjithccka vetëm që të mbulojë krimin që ka kryer Edi Rama nëpërmjet tij. Kjo dëshmon se jemi në kushte në të cilat vetëm qytetarët mund ti japin përgjigjen e merituar. Është 10 shkurti, dita e uraganit të fuqishëm të lirisë të shqiptarëve dhe përmbysjes së këtij regjimi që nuk ndjek asnjë ligj dhe as Kushtetutë. Me paqartësitë e të keqes banale të vendit. Sot Partia Demokratike, çdo qytetarë shqiptar ka në agjendë luftën kundër grushtit të shtetit në mburojë të Ballukut dhe Ramës. Çdo veprim është i paralizuar kur mbrohen kriminelë”, tha Berisha.
I pyetur nëse PD do të vijojë me bojkotin në Komisionet e Reformës Zgjedhore dhe asaj Territoriale, Berisha tha se opozita ka qenë dhe do të jetë në komision.
“Ne jemi në komision. Asnjë mbledhje nuk janë njoftuar anëtarët e opozitës. Janë manipulime të Edi Ramës. Jemi në komision. Kemi qenë dhe jemi në komision”, u shpreh ai. /Kb