Gjermania ka tërhequr forca shtesë të Bundeswehr-it nga Lindja e Mesme, ndërsa edhe pjesëtarë të stafit të ambasadës gjermane në Bagdad po transferohen në Jordan.
Sipas rrjetit RND, për shkak të tensioneve të reja në rajon, po tërhiqen ushtarët e vendosur në Bagdad, si dhe pjesëtarët e stafit të ambasadës gjermane në kryeqytetin irakian.
Siç theksohet në raport, qeveria federale ka njoftuar më herët sot presidentët e komiteteve përgjegjëse të Bundestagut.
Ushtarët dhe punonjësit e misionit diplomatik gjerman do të transferohen në Jordan, ku ndodhen dy avionë transporti ushtarak A400M, të cilët do t’i rikthejnë në atdhe.
Forcat e Bundeswehr-it nga Bahreini kanë rikuperuar tashmë në Gjermani, ndërsa po përgatitet tërheqja e trupave nga Kuvajti dhe nga UNIFIL në Liban.
Gjatë fundjavës, kampe ndërkombëtare në veri të Irakut dhe Jordan u sulmuan nga goditje iraniane, ku ndodhen edhe forca të Bundeswehr-it. Para fillimit të sulmeve amerikano-izraelite ndaj Iranit, më shumë se 500 ushtarë gjermanë shërbenin në Lindjen e Mesme.
Ndërkohë, Zvicra ka mbajtur të hapur ambasadën e saj në Teheran, me gjashtë shtetas zviceranë dhe 18 pjesëtarë të stafit lokal. Megjithatë, të martën e kaluar, katër zviceranë e braktisën Iranin./mxh