Pio Esposito është një nga emrat e rinj që ka tërhequr vëmendje në futbollin italian gjatë këtij sezoni. Brenda një periudhe relativisht të shkurtër, sulmuesi i ri ka kaluar nga një lojtar që luftonte për objektiva në kategoritë më të ulëta në një futbollist që tashmë është pjesë e ndeshjeve të rëndësishme me Interin.
Paraqitjet e tij nuk kanë kaluar pa u vënë re edhe jashtë Italisë. Disa klube europiane po ndjekin zhvillimin e tij dhe po vlerësojnë mundësinë për të bërë një lëvizje në merkato.
Një nga klubet që po monitoron situatën është Newcastle, i cili po analizon opsionet për repartin ofensiv në sezonin e ardhshëm. Skuadra angleze po kërkon alternativa për të forcuar sulmin dhe emri i Espositos është përmendur mes lojtarëve që po ndiqen nga drejtuesit sportivë.
Megjithatë, pozicioni i Interit mbetet i qartë. Drejtuesit nuk kanë ndërmend të heqin dorë lehtë nga një lojtar që konsiderohet një nga talentet më premtuese të brezit të tij./mxh