Turistë dhe banorë vendas u mblodhën në Valencia për të ndjekur një nga traditat më të veçanta në Spain, festivalin e njohur Fallas.
Për disa ditë me radhë, qyteti u mbush me skulptura gjigante satirike të quajtura “ninots”, të realizuara me dru, allçi dhe letër, të cilat paraqesin figura nga politika, kultura pop dhe bota e fantazisë.
Edhe këtë vit, temat kryesore u dominuan nga zhvillimet globale, ku shumë prej skulpturave ironizonin figura politike si Donald Trump dhe Benjamin Netanyahu, duke reflektuar konfliktet në Lindjen e Mesme.
Kulmi i festimeve u shënua me djegien e këtyre veprave artistike në një ceremoni spektakolare, një traditë që simbolizon pastrimin dhe rinovimin.
Në sheshin kryesor të bashkisë, instalacioni më i madh paraqiste një figurë gjigante të Charlie Chaplin, të veshur si personazhi i tij ushtarak nga filmi Shoulder Arms, me fjalën “Hope” në bazë – një mesazh simbolik për shpresë në kohë sfidash globale.
Festivali “Fallas” mbetet një ndër ngjarjet më tërheqëse kulturore në Spanjë, duke tërhequr çdo vit mijëra vizitorë nga e gjithë bota./mxh