Presidenti rus Vladimir Putin ka zhvilluar një bisedë telefonike me presidentin amerikan Donald Trump, me rastin e 250-vjetorit të Shteteve të Bashkuara, njoftoi Kremlini.
Sipas këshilltarit presidencial rus për politikën e jashtme, Yuri Ushakov, dy liderët diskutuan kryesisht zhvillimet në Ukrainë, në prag të samitit të NATO-s që do të mbahet më 7-8 korrik në Turqi.
“Presidentët ngritën çështjen e zgjidhjes së konfliktit në Ukrainë, duke marrë parasysh edhe pjesëmarrjen e Donald Trump në samitin e NATO-s”, deklaroi Ushakov, sipas agjencisë ruse të lajmeve RIA.
Më herët gjatë ditës, edhe presidenti ukrainas Volodymyr Zelensky zhvilloi një bisedë telefonike me Donald Trump, sipas autoriteteve në Kiev./kb