Dy shqiptarë të moshës 37 dhe 44 vjeç, të identifikuar si Petrit Myzyri nga Berati dhe Daniel Dhamaj nga Vlora, u arrestuan dje pasdite në Mykonos nga oficerët e policisë së Nëndrejtorsë së Policisë së Mykonosit, dhe ndaj tyre u ngrit një çështje penale për posedim, ruajtje dhe trafikim të lëndëve narkotike.
Siç u përcaktua, pas një hetimi të plotë të provave dhe mbikëqyrjes diskrete policore të terrenit, autorët po trafikonin së bashku drogë, një sasi të madhe të së cilës e fshehën në një makinë private të parkuar që po e përdornin si “transportuese”.
Për t’i dhënë fund aktivitetit të tyre kriminal, u organizua një operacion policor, në kuadër të të cilit u identifikuan me radhë autorët e krimit, dhe në kontrollet e kryera në një banesë, në një motoçikletë dhe dy makina private që ata po përdornin, u gjetën dhe sekuestruan 365.8 gramë MDMA të ndarë në 6 pako, 76.3 gramë kokainë rozë, e ndarë në 19 pako, 36.5 gramë kokainë të ndarë në 41 pako, 36 ilaçe tableta farmaceutike, pa recetë, 65,900 euro dhe 125 dollarë amerikanë, të fituara nga trafikimi i drogës, 3 telefona celularë, peshore precize, materiale paketimi./ad