Last Updated on 06/09/2026 by EL
Një vatër zjarri është përhapur pas Kodrës së Krastës në Elbasan, duke rrezikuar nga flakët edhe dy banesa pranë zonës.
Situata ka kërkuar ndërhyrjen e shërbimit zjarrfikës, i cili ka mobilizuar tre mjete dhe 12 efektivë për të vënë nën kontroll flakët.
Për shkak të afërsisë me banesat, ndërhyrja është fokusuar në izolimin e zjarrit dhe pengimin e përhapjes së tij drejt zonës së banuar.
Pas ndërhyrjes së zjarrfikësve, vatra është neutralizuar, ndërsa nuk raportohet për persona të lënduar apo dëme në banesa.
Ky është një tjetër rast i regjistruar në kushtet e temperaturave të larta dhe rrezikut të shtuar për zjarre. Autoritetet u bëjnë apel qytetarëve të shmangin ndezjen e zjarreve në ambiente të hapura dhe të njoftojnë menjëherë shërbimin zjarrfikës në numrin 128, në rast konstatimi të një vatre.