Mesfushori belg, Kevin De Bruyne, u rikthye në stërvitje me Napolin. Ky rikthim pritet të qartësojë situatën e tij pas zërave të fundit të merkatos gjatë ditëve të pushimit.
Skuadra e PSV Eindhoven ka shfaqur interes konkret për transferimin e lojtarit që në merkaton e muajit janar. Megjithatë, klubi i Napolit nuk e konsideron të hapur opsionin e një shitjeje të menjëhershme.
Drejtuesit italianë nuk duan të privohen nga shërbimet e lojtarit belg në mes të sezonit. Ata e shohin atë si një element thelbësor për të ngjitur pozicionet në tabelën e klasifikimit.
E vetmja mundësi për një largim në dimër mbetet kërkesa e vetë lojtarit për të prishur kontratën 6 muaj para afatit. Në rast të kundërt, e ardhmja e tij mbetet e lidhur me skuadrën italiane.
Për sa i përket muajit qershor, klubi holandez ka kërkuar informacion rreth opsionit të rinovimit. Ata duan të kuptojnë nëse Napoli do të aktivizojë zgjatjen automatike të kontratës edhe për vitin e tretë.
Aktualisht, vëmendja e Napolit është e përqendruar te fusha e lojës dhe kalendari i kampionatit. Skuadra do të zhvillojë 3 ndeshje radhazi përballë Torinos, Sassuolos dhe Lecces.
Gjithashtu, ekipi po përgatitet për sfidën e rëndësishme në Ligën e Kampioneve kundër Mançester Sitit. Kjo ndeshje shënon rikthimin e dytë radhazi të De Bruyne si ish-lojtar në “Etihad”./k.m
