Last Updated on 19/11/2026 by EL
Kancelari gjerman Friedrich Merz ka deklaruar se e ardhmja e sigurisë evropiane do të varet nga zhvillimet dhe rezultati i luftës në Ukrainë.
Në një postim në rrjetin X, gjatë samitit të “Koalicionit të Vullnetmirëve” në Berlin, Merz theksoi se pasojat e këtij konflikti do të ndikojnë për një kohë të gjatë në sigurinë e kontinentit. “Rezultati i kësaj lufte do të ndikojë në sigurinë e Evropës për shumë kohë në vijim. Së bashku me partnerët tanë, vazhdojmë të mbështesim paqen në Ukrainë. Për këtë arsye jemi mbledhur sot në Koalicionin e Vullnetmirëve”, shkroi kancelari gjerman.
