Një aksident i rëndë rrugor me pasojë vdekje ka ndodhur pasditen e sotme në aksin rrugor Fier-Seman, ku ka humbur jetën një 80-vjeçar.
Sipas informacioneve paraprake, automjeti me drejtues shtetasin Vangjel Merko, 61 vjeç, është përplasur me një biçikletë që drejtohej nga shtetasi N. P., rreth 80 vjeç. Si pasojë e përplasjes, drejtuesi i biçikletës ka ndërruar jetë në vendngjarje.
Ndërkohë, drejtuesi i automjetit do të shoqërohet në Komisariat për kryerjen e veprimeve të mëtejshme procedurale. Në vendngjarje kanë mbërritur shërbimet e policisë dhe grupi hetimor, të cilët po punojnë për dokumentimin e plotë të ngjarjes dhe zbardhjen e rrethanave të aksidentit.
Njoftimi i Policisë:
Fier/Informacion paraprak
Rreth orës 16:15, në aksin rrugor Fier–Seman, automjeti me drejtues shtetasin V. M., 61 vjeç, është përfshirë në një aksident rrugor me një biçikletë, që drejtohej nga shtetasi N. P., rreth 80 vjeç.
Si pasojë e përplasjes, ka ndërruar jetë në vendngjarje drejtuesi i biçikletës.
Ndërsa drejtuesi i automjetit do shoqërohet në Komisariat për veprime të mëtejshme procedurale.
Grupi hetimor po punon për sqarimin e plotë të rrethanave dhe shkaqeve të aksidentit rrugor./et
