Anëtari i PD-së dhe mjeku Ilir Alimehmeti është shprehur se Tirana ka probleme të theksuara me qeverisjen.
Në një intervistë për Syri Tv, Alimehmeti tha se Erion Veliaj, tashmë në burg për 13 akuza të rënda, nuk e ka qeverisur asnjëherë si duhet kryeqytetin. Kjo sepse bëri të kundërtën e atyre që kishte premtuar kur ishte zgjedhur kryebashkiak.
Alimehmeti, foli më tej për ndotjen e ajrit, që sipas tij vjen nga trafiku dhe nga ndërtimet. Këto të fundit, tha ai ishin, një nga shumë premtimet, ku Veliaj ka bërë të kundërtën e asaj që ka thënë. Ai shprehur kritika dhe për Këshillin Bashkiak ku tha se janë kthyer në “noter”.
Lidhur me ndotjen, Alimehmeti tha gjithashtu Bashkia e Tiranës nuk ka kryer asnjë matje zyrtare të cilësisë së ajrit që prej vitit 2016, duke shkelur një detyrim ligjor.
“Nuk po qeveriset, nuk është qeverisur prej kohësh. Erion Veliaj nuk pati ndonjëherë ndonjë qeverisje siç duhet të vendit. Në momentin e parë që hyri në bashki, premtimi ishte do të vendosim një moratorium, mos të ketë ndërtime. Bëri pikërisht të kundërtën dhe në Tiranë ndotja e ajrit vjen nga dy elemente, karburantet, pra trafiku, direkt lidhje me Bashkinë e Tiranës dhe ndërtimet. Pra niveli i logjikës së ndërtimeve private, publike, e me radhë, ndërtime që vonohen në kohë dhe jashtë kufijve teknike, siç e dini ju shumë mirë. E sot tani që ai është në burg, duhet të kishte një zgjidhje politike Tirana dhe duhet të ishin lejuar zgjedhjet e parakohshme, në mënyrë të atillë që të kishte një qeverisje ashtu siç duhet dhe të kishte një qeverisje jo vetëm nga ana e kryetarit të Bashkisë, por edhe nga ana e Këshillit Bashkiak, sepse dhe Këshilli Bashkiak, njëjtë si parlamenti, ju tashmë e keni parë që këto imitojnë njëra-tjetrën, janë kthyer në noteri.
Nuk diskuton asgjë dhe jemi në këtë situatë që jemi. Sa për t’ju dhënë disa shifra se çfarë ka ndodhur kjo, sepse nuk ka ndodhur kjo brenda ditës, ka ndodhur përgjatë viteve. Në Bashkinë e Tiranës nuk janë matur kurrë nivelet e cilësisë së ajrit. E ka detyrim ligjor, por kjo s’është bërë kurrë. E kemi denoncuar sa e sa herë në Partinë Demokratike, e kemi kërkuar sa e sa herë në Këshillin Bashkiak kur kemi qenë aty brenda. Nuk është kurrë aty dhe në fakt Agjencia Europiane e Mjedisit e ka thënë dhe e thotë shumë qartë në faqen e saj zyrtare, të dhënat mungojnë që nga viti 2016 e këndej. Pra, rastësisht fiks që kur vjen Erjon Veliaj në fuqi. Dhe po të shihni juve, në 2014-ën ka pasur 49 subjekte gjithsej të pajisura me leje mjedisore, që janë rritur në mënyrë eksponenciale duke arritur në 2023-shin në 609. Dhe ky është vetë raporti i Bashkisë së Tiranës. Dhe, i cili na është servirur ne dhe është dhënë edhe për dëgjesa publike. Ju e dini që këto shifra gjithmonë ato i retushojnë, i rregullojnë dhe megjithatë në këto shifra ne shohim çdo lloj niveli mbi standardin. Kjo është për sa i përket cilësisë së ajrit. Në qoftë se merrni parasysh pjesën e ë e trafikut, e keni shumë të qartë që praktikisht nuk ka bërë asgjë. Ka shtuar vetëm godina, godinat kanë ngushtuar rrugët. E madje dhe rrugë me interes madhor, siç ishte për shembull hyrja e Tiranë, në zonën e ish-doganës, sheshi Shqiponja, vetëm me disa pallate që u vendosën, u ngushtoi rrugët aty, u transformua komplet projekti fillestar dhe tashti ai kthehet në kaos”, u shpreh Alimehmeti./mxh