Last Updated on 14/11/2025 by Monika
Një ngjarje e rëndë ka ndodhur në Stokholm, ku një autobus u përplas me forcë në një stacion autobusi në lagjen Östermalm, duke shkaktuar panik dhe kaos në orarin e pikut.
Sipas Këshillit të Qarkut të Stokholmit, pesë persona u plagosën, ndërsa dy prej tyre u dërguan me urgjencë në spital. Policia konfirmoi se të paktën dy persona kanë humbur jetën, ndërsa gazeta Ekspressen raportoi se numri i viktimave mund të ketë arritur në tre.
Autoritetet njoftuan se ngjarja po hetohet si “vrasje nga pakujdesia”, dhe shoferi i autobusit është arrestuar ndërsa vazhdojnë hetimet për shkaqet e aksidentit.