Last Updated on 19/02/2026 by Anisa
Mungesa e bluzave të bardha po shqetëson çdo ditë e më shumë edhe shtetin Italian. Infermierët mungojnë, ata që janë në shërbim janë të lodhur, dhe të rinjtë duket se nuk duan më të zgjedhin këtë profesion. Gjendur në këtë situatë sipas “La Stampa“, rajoni ka nisur të shqyrtojë mundësinë e rekrutimit të infermierëve nga jashtë Italisë, me fokus të veçantë te Shqipëria dhe Uzbekistani.
Por nuk është vetëm çështje “thirrjeje”: ndikojnë pagat që janë ndër më të ulëtat në Europë dhe kushtet e punës që kanë bërë të papërballueshme profesionin.
Numrat e boshllëkut: një hendek i pakapërcyeshëm?
Të dhënat e raportit të fundit të OECD 2025 flasin qartë. Në Itali ka rreth 6,9 infermierë për çdo 1.000 banorë, një shifër shumë më e ulët se mesatarja europiane (8,4) dhe shumë larg vendeve si Gjermania (12,2) ose Zvicra (18).
Sipas vlerësimeve të Federatës Kombëtare të Urdhrave të Profesioneve Infermierore (FNOPI) dhe sindikatave kryesore, mungojnë midis 65.000 dhe 100.000 profesionistë për të garantuar standarde të denja të kujdesit./A.D