Last Updated on 19/06/2025 by adminfjala
Këngëtari i njohur amerikan, R. Kelly, është dërguar me urgjencë në spital pas një mbidoze të dyshuar me ilaçe brenda burgut ku po vuan një dënim 30-vjeçar për shfrytëzim seksual dhe zhvatje.
Sipas një dokumenti ligjor të siguruar nga avokatët e tij, Robert Sylvester Kelly, 57 vjeç, u vendos në izolim më 10 qershor, ku iu dhanë medikamente kundër ankthit nga stafi i burgut. Po atë ditë, ai mori edhe ilaçe shtesë, të cilat i ishin kërkuar të merrte.
Vetëm tre ditë më vonë, Kelly raportoi marramendje, dobësi dhe vështirësi në shikim, duke thënë se shihte “njolla të zeza”. Situata u përkeqësua me humbjen e vetëdijes, duke çuar në transferimin e menjëhershëm në Spitalin Universitar Duke./kb