Zjarret dhe valët e të nxehtit që përfshinë Francën, Spanjën dhe pjesë të tjera të Evropës kanë kushtuar tashmë më shumë se 3 miliardë euro këtë vit.
Pothuajse gjysmë milioni hektarë janë djegur në dy muajt e sezonit të verës, me një kosto ekonomike prej 3.1 miliardë eurosh vetëm për pesë vendet më të goditura të Eurozonës, përfshirë Portugalinë, Greqinë dhe Rumaninë.
Kjo tejkalon shumë vlerësimet e Komisionit Evropian për një ndikim mesatar vjetor prej 2.5 miliardë eurosh për të gjithë BE-në.
Vlerësimet bazohen në metodologjinë që mbështet shifrat e Komisionit Evropian dhe llogaritjet përkatëse nga qeveria franceze, si dhe përfaqësojnë të ashtuquajturën kosto “restaurimi” të kthimit të zonave të djegura në gjendjen e tyre të mëparshme, një mënyrë për të kapur vlerën e tyre ekonomike.
Ndikimi i përgjithshëm përfundimisht do të jetë shumë më i lartë. Siguruesit, familjet dhe bizneset ende po llogarisin koston e dëmeve në pronë dhe të mbjella dhe ndërprerjen e turizmit në kulmin e verës.
Kosto të tjera në formën e rritjes së primeve të sigurimit ose pronës së pasigurueshme, numrit më të ulët të vizitorëve dhe nevojës për të shpenzuar shumë për pajisje zjarrfikëse do të materializohen me kalimin e kohës./ Financial Times/kb