Mijëra mbështetës të aktivistit të ekstremit të djathtë, Tommy Robinson, u mblodhën në qendër të Londrës të shtunën për një marshim të quajtur “United the Kingdom”.
Protestuesit, të organizuar nga Stephen Yaxley-Lennon, i njohur me pseudonimin Tommy Robinson, thanë se erdhën për t’u bashkuar me njerëz që ndajnë bindjet e tyre dhe për të lavdëruar liderin e tyre.
Disa prej tyre shprehën shqetësime për migracionin, energjinë dhe kulturën britanike, duke theksuar nevojën që politikanët të mendojnë për britanikët, pavarësisht nga ngjyra e lëkurës. Një protestues tha: “Unë dua që Anglia të mbetet Angli dhe dua që anijet të ndalen.”
Policia e Londrës njoftoi një operacion “të paprecedent” për të parandaluar dhunën dhe çrregullime serioze gjatë marshimit dhe një proteste kundërshtare pro-palestineze. Operacioni përfshinte rreth 4,000 oficerë, helikopterë, njësi qensh dhe automjete të armatosura në gatishmëri.
Protestuesit e shoqëruan marshimin duke mbajtur flamuj britanikë, të Anglisë dhe të monarkisë iraniane të para revolucionit, përfshirë një portret të Reza Pahlavit, birit të fundit Shah të Iranit në ekzil./mxh