Motra e aktorit të njohur Bes Kallaku, moderatorja Ana Kallaku, ka tërhequr vëmendjen e ndjekësve në rrjetet sociale pas disa komenteve të fundit rreth jetës private të vëllait të saj dhe lidhjes së tij të re e cila është gjerësisht e komentuar.
Në një bisedë pyetje-përgjigjesh me ndjekësit në Instagram, ajo është pyetur për raportin që ka me partneren e re të Besit, Ejonën. Ana ka zgjedhur të ndajë disa fjalë mjaft pozitive, duke lënë të kuptohet se marrëdhënia mes tyre është shumë e mirë dhe e ngrohtë. Ajo madje ka publikuar edhe një fotografi ku shfaqet duke e përqafuar, por pa zbuluar fytyrën e saj.
Në përgjigjet e saj, moderatorja ka theksuar se Ejona është pritur me shumë dashuri në familje dhe se ka sjellë energji pozitive në jetën e tyre. Sipas saj, kjo njohje është një vlerë e shtuar për familjen dhe një prani që e ka gëzuar shumë ambientin familjar.
Ndjekësit kanë qenë gjithashtu kuriozë për daljet publike të çiftit dhe për arsyen pse ata nuk shfaqen shpesh në media. Ana ka sqaruar se mungesa e ekspozimit lidhet me një vendim personal të Ejonës për të ruajtur privatësinë e saj.
Ajo ka shtuar se familja e respekton plotësisht këtë zgjedhje, duke e konsideruar të rëndësishme respektimin e hapësirës personale, pavarësisht interesit të madh të publikut./mxh
