Në një kohë kur shumë çifte stepen edhe përpara vendimit për të sjellë në jetë një fëmijë të parë apo të dytë, një familje shqiptare mirëpret në jetë fëmijën e 11-të.
Fatmira dhe Ervini janë bërë sërish prindër. Zeid është bebi i 11-të i çiftit, duke iu bashkuar dhjetë fëmijëve të tjerë dhe duke e bërë familjen edhe më të madhe.
Vogëlushi erdhi në jetë në Maternitetin “Mbretëresha Geraldinë”, nën përkujdesjen e stafit mjekësor, në një moment që për familjen është padyshim një tjetër kujtim i paharrueshëm.
Njëmbëdhjetë fëmijë. Një shifër që sot të bën të ndalesh.
Në një realitet ku shumë familje përballen me pasiguri dhe ku vendimi për të pasur edhe një fëmijë shpesh shoqërohet me dilema, historia e Fatmirës dhe Ervinit është një rast i rrallë.
Ndërsa për disa edhe një fëmijë duket një sfidë e madhe, kjo familje ka mirëpritur tashmë fëmijën e 11-të.
Zeid do të rritet mes dhjetë vëllezërve e motrave, duke shtuar një tjetër zë, një tjetër buzëqeshje dhe një tjetër jetë në familjen e madhe.
Lindja e tij është pritur me gëzim dhe emocion nga familja, ndërsa stafi i “Mbretëreshës Geraldinë” u kujdes për ardhjen e tij në jetë.
Nga njëra anë frika për të pasur një fëmijë, nga ana tjetër guximi për të mirëpritur të 11-in.
Kjo është historia e vogëlushit Zeid, i cili sot nisi jetën duke u bërë pjesë e një familjeje jo të zakonshme.
Mirë se erdhe në jetë, Zeid! ❤️