Como humbi mundësinë për të regjistruar fitoren e tretë radhazi në Serie A, duke barazuar 0-0 në shtëpi ndaj Atalantës me 10 lojtarë.
Ndeshja u ndikua herët nga kartoni i kuq i Honest Ahanor. Pavarësisht epërsisë numerike, vendasit nuk arritën të konkretizonin rastet e shumta të krijuara.
Portieri i Atalantës, Marco Carnesecchi, ishte vendimtar me disa pritje gjatë gjithë takimit. Momenti kyç erdhi në minutën e 98-të, kur Nico Paz humbi një penallti.
Atalanta rezistoi me sukses dhe ruajti portën e paprekur. Barazimi zgjat serinë pozitive të bergamaskëve në kampionat në gjashtë ndeshje pa humbje. Como mbetet në vendin e gjashtë, ndërsa Atalanta ndjek në vendin e shtatë./mxh