Përmbytje në zonën e Obotit/ Rruga kryesore e kalueshme vetëm për mjete të larta

Last Updated on 07/01/2026 by Kesjana

Në zonën e Obotit në Shkodër, në rrugën kryesore evidentohet prezencë uji në nivelin 30–40 cm, çka lejon qarkullimin vetëm për mjete të larta.

Situata është krijuar si pasojë e motit të keq të dy ditëve të fundit, me reshje të dendura shiu që kanë përfshirë të gjithë qarkun e Shkodrës, duke shkaktuar përmbytje në disa zona dhe banesa të kësaj zone.

Autoritetet po monitorojnë situatën dhe u bëjnë thirrje banorëve të tregojnë kujdes, veçanërisht në zonat pranë akseve të përmbytura./Kb