Last Updated on 01/12/2025 by Kesjana
Gjatë dimrit, temperaturat bien, dita shkurtohet dhe shumica e njerëzve kalojnë më shumë kohë në ambiente të brendshme. Sipas studimeve, mungesa e dritës së diellit ul ndjeshëm nivelin e vitaminës D në organizëm, një vitaminë që lidhet drejtpërdrejt me imunitetin dhe funksionimin normal të trupit.
Mjekët paralajmërojnë se vitamina D luan rol kyç në mbrojtjen ndaj infeksioneve respiratore, ndërsa nivelet e ulëta të saj janë lidhur me rritjen e rrezikut për ftohje, grip dhe lodhje kronike.
Përveç kësaj, ditët e ftohta ndikojnë edhe në cilësinë e gjumit: më pak ekspozim në dritë natyrale mund të prishë ritmet cirkadiane dhe të shkaktojë pagjumësi ose lodhje gjatë ditës.
Ekspertët këshillojnë që gjatë dimrit të konsumohen më shpesh ushqime të pasura me vitaminë D si peshku yndyror (salmon, skumbri, sardelet), veza dhe produktet e qumështit të fortifikuara.
Në disa raste, nën këshillën e mjekut, mund të rekomandohet edhe suplement vitamina D, sidomos për njerëzit që pothuajse nuk ekspozohen fare në diell.
Gjithashtu, rekomandohet një orar më i rregullt gjumi, dalje të shkurtra në dritë natyrale edhe kur është ftohtë dhe shmangia e përdorimit të tepërt të pajisjeve elektronike para gjumit.
Këto hapa të thjeshtë mund të ndihmojnë në ruajtjen e energjisë dhe imunitetit gjatë muajve të dimrit/kb