Zhvillimet e fundit në fushën e inteligjencës artificiale po e bëjnë kufirin mes njeriut dhe makinës gjithnjë e më të paqartë. Një ekip studiuesish në MIT Media Lab ka krijuar një sistem të aftë të lexojë emocionet njerëzore me anë të toneve të zërit, mimikës së fytyrës dhe ritmit të frymëmarrjes. Kjo teknologji, e quajtur “Affective Computing”, arrin një saktësi mbi 85% në identifikimin e emocioneve bazë si gëzim, trishtim, stres apo qetësi.
Sipas zhvilluesve, këto robotë mund të përdoren në kujdesin shëndetësor, për të ndihmuar personat me autizëm, depresion apo ata që kanë vështirësi komunikimi. Në të ardhmen, teknologjia mund të bëhet pjesë e mjekësisë digjitale, arsimit dhe madje edhe marrëdhënieve profesionale, duke krijuar një ndërveprim më njerëzor me pajisjet që na rrethojnë.
Megjithatë, ekspertët theksojnë se zhvillimi i këtyre robotëve ngre edhe sfida etike: si do të ruhet privatësia emocionale e individëve dhe deri ku mund të arrijë ndërhyrja e makinës në botën tonë personale? Për momentin, qëllimi mbetet të krijohet një teknologji që na kupton më mirë – pa e zëvendësuar njerëzimin, por për ta ndihmuar atë./ K.M