Rrihen të pandehurit në Gjykatën e Posaçme, konflikt brenda kafazit të xhamit gjatë seancës për vrasjen e Renis Dobrës

Sipas informacioneve, incidenti ka ndodhur brenda ambientit të sigurisë së lartë, në kafazin e xhamit të sallës gjyqësore, ku janë konfliktuar fizikisht të pandehurit Fatjon Bushgjokaj dhe Petrit Çakrri. Përplasja ka detyruar ndërhyrjen e menjëhershme të forcave të sigurisë së gjykatës dhe të shërbimeve të burgjeve për të normalizuar situatën.

 Të pandehurit kanë dhunuar Petrit Çakrajn, pasi ky i fundit ka nisur të dëshmojë për ngjarjen.

Pas këtij incidenti janë ndërprerë të gjitha seancat.

Ngjarja:

Kristi dhe Aleksandër Bushgjokaj, së bashku me vëllain tjetër Fatjon Bushgjokaj, si edhe Petrit Çakrrin, akuzohen se kanë rrëmbyer dhe mbytur me litar Renis Dobrën. Trupi i 23-vjeçarit u gjet buzë lumit të Shkopetit, ndërsa makina në ujë. Shkak dyshohet të ketë qenë prishja e pazareve të drogës.

Bushgjokaj u arrestua në zonën e Astirit, ndërsa Çakrri u kap në Kukës. Për të kryer vrasjen, vëllezërit Bushgjokaj dhe Çakrri kishin marrë disa makina me qira, në Rinas dhe Yzberisht, të ndryshme çdo ditë për të paktën 72 orë me radhë kur kanë survejuar lëvizjet e Dobrës. Përmes kësaj skeme synon që të mos zbuloheshin nga autoritetet.

Madje, makinave kanë tentuar t’u heqin edhe GPS-in. Pasi policia identifikoi automjetet përmes pamjeve, kuptoi se ishin marrë me qira, dhe më pas, përmes gjurmimit të GPS-së u dokumentuan me prova të gjithë lëvizjet kriminale. Vëllai më i vogël, Aleksandër Bushgjokaj, dyshohet se nxorri vëllain tjetër në Kosovë pas krimit. /a.d